福岡篇：平民壽司店

我做嘢，其實唔係大家想像中咁有計劃，尤其是旅行，未必會安排好晒行程，除左必要吃的三幾間餐廳。 走累了，上網睇睇附近有咩餐廳推介，跟住就中入去。 Sushi Zanmai，係日本既人氣連鎖店，今次到旁天神既分店，年終無休，廿四小時營業，半夜三更都可以吃到壽司。 呢度仲有一個賣點，就係價錢親民，就算你係小林尊咁食法，都唔會驚破產。 饑腸轆轆，有理無理先來堆壽司。我又唔會天真到同Omakase的質素相比。雖然手握水準未去到一流，但始終用料新鮮，食味總不會太差，個人尤其喜歡鰻魚、中拖，與及三文魚籽，對得住呢個價錢。 中意食香口嘢既我，叫左份炸海老。賣相同樣唔太吸引，不過脆得連蝦頭都可以吞既出品，我都唔會嫌棄既。 鱈魚份量比預期中少，魚皮是脆，魚肉是滑，卻有欠脂香。 未算很滿意，即係有藉口下一餐食得好啲豪啲。 #日本 #壽司 (此文章由U Blog 同步發佈至社群)